Hindara

شعر / ناصر فګار

28.06.2010 11:22

 

 

پریږده چې بیا بیا مې کړي دانه دانه                  

                                         ستا د عشق هوا مې  کړي  دانه  دانه

دا  دی  د  وجود   له  ښاره    ووتم

                                        څوک دی چې پیدا مې کړي  دانه دانه

مرګ خو مې راټول کړي او یو موټی کړي

                                      دلته  هلته   ساه  مې   کړي  دانه  دانه

عشق  ته  به ځان وسپارم  ثابت وجود

                                     هیله   ده  چې   را  مې  کړي دانه دانه

را چې شي غاټول غوندې راټول شمه

                                  اف  د   زړه   درزا  مې   کړي  دانه دانه

نن  به  ترې  (فګاره ) خولګۍ  اخلمه

                                 پریږده   چې   سبا   مې   کړي   دانه دانه

 

 

 

سمندر 04.07.2010 10:59

د ښاغلي فګار دا شعر هم لکه نور شعرونه یې ښه آهنګ لري ، له معنی څخه ډک او یو څه فلسفي بریښي ،زما یې دا شعر ډیر خوښ شو :<br />دا دی د وجود له ښاره ووتم څوک دی چې پیدا مې کړي دانه دانه

جلال 28.06.2010 11:53

ښه شعر دې خو لاندې بیت یی ښکلا لږه پیکه کړې. ځکه چې هغه جوړښت دکلیمو او معنا یی د نور شعر په لمن کې هم تته ښکاري او هم یی بندښت رامنځته کړې. <br /><br />عشق ته به ځان وسپارم ثابت وجود<br /><br /> هیله ده چې را مې کړي دانه دانه<br /><br />

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.