Hindara

تصوير

20.04.2010 08:29

 

بیا مې په سترګو د خمار څپې راماتې شولې

لکه د بنګو بنګاوې شیبې راماتې شولې

دښکلا حوره اوس د بر کلي نه دلته راځي

په دنګ قامت یی پوره زر جلوې راماتې شولې

سترګې خو نه دی د مرمیوو په څیر زړه ډزوي

په خوار عاشق له هرې خوا وسلې راماتې شولې

قدم چې اخلي د ښکلا ملکه ښار خوروي

ځکه مې پاتې د زړګي شیشې راماتې شولې

د ظالم لورې جادوګرې ته له کومه راغلې

چې زمونږ هسکې د غرور شملې راماتې شولې

یو وخت به ما باندې هم غبرګو غبرګو زړه بایلوده

ټولې به غیږې ته پستې مستې راماتې شولې

بیا مې په زړه راوریدلې یی تصویر دې جوړوم

ځکه مې سترګو نه رڼې اوښکې راماتې شولې

کابل

صفي الله محمدي 28.12.2011 12:42

داډیر ښکلی دی<br />

ليدا 01.05.2011 08:05

dera okhkali sher dayi tal kamyab wosi safi sahib

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.